Thursday, April 12, 2007

"ஒரு தமாஷின் விலை ஒரு லட்ச ருபாய்"


பாராளுமன்ற பன்றிகளின் தொழுவத்தில் எந்தவொரு விஷயமும் விவாதித்து முடிவெடுக்கப்படுவதில்லை. பல விஷயங்கள் விவாதத்திற்கு வருவதே கிடையாது; வந்தாலும் விவாதிக்கும் நேரத்தில் 'கோரம்' (குறைந்தபட்ச உறுப்பினர் எண்ணிக்கை) இருப்பதில்லை. கடந்த மார்ச் மாதம் தொடர்ந்து 'கோரம்' இல்லை. அழைப்பு மணி ஒலித்தும் கூட யாரும் வரவில்லை. ஆனால் அதே கட்டிடத்தின் இன்னொரு பகுதியில் பெரும்பான்மையான உறுப்பினர்கள் டி.வி.யில் கிரிக்கெட் விளையாட்டை வேடிக்கைப் பார்த்துக் கொண்டுருந்தார்கள். அங்கேதான் பெரும்பான்மை (மெஜாரிட்டி) !

போதாக் குறைக்கு பாராளுமன்றத்தில் அடிதடி சண்டைகள் முதல் 'தமாஷ்'கள் வேறு; மாதிரிக்கு இதோ :

நாராயணன் செளபே : ஹெக்டேர் மீட்டர் என்றால் என்ன?
பி.சங்கரானந்த் : உங்களுக்கு ஹெக்டேர் தெரியுமா?
நா.செள : தெரியும்.
பி.ச : மீட்டர் தெரியுமா?
நா.செள : எனக்கு நன்றாகவே தெரியும்.
பி.ச :
ஒரு மீட்டர் தண்ணீர் ஹெக்டேர் பரப்பளவுக்குத் தேங்கி நின்றால் அதுதான் ஹெக்டேர் மீட்டர். உங்களுக்கு புரிந்ததா?

நா.செள : நல்ல பேராசிரியராக உங்களுக்கு வேலை கொடுக்க வேண்டும்.

பி.ச : ஆனால் உங்களைப் போன்ற மாணவர்கள் எனக்கு வேண்டாம்.

நா.செள : எனக்கு கற்றுக் கொடுக்க யாராவது வேண்டுமே?

-இந்த ஒரு தமாஷின் விலை என்ன தெரியுமா: ஒரு லட்சம் ரூபாய்! மக்களின் வரிப் பணத்தில் ஒரு சில நிமிடங்களில் ஒரு லட்ச ரூபாய் காலி !

(இப்ப இருக்கிற எம்.பிக்களின் பெயரை ,கேலிக்கூத்துக்களை போட்டு கொள்ளவும்)


No comments:

Listed in tamizmaNam.com, where bloggers and readers meet :: தமிழ்மணம்.காம்-ல் பட்டியலிடப்பட்டு, திரட்டப்படுகிறது